Me grimca kristali dhe diamanti

Këto enë kanë bazë alumini - një metal i lehtë, përçues i mirë i nxehtësisë dhe i qëndrueshëm edhe në temperatura të larta.

Enët janë shumë të qëndrueshme dhe rezistente ndaj ngjitjes, falë veshjes Swiss Crystals, e cila aplikohet në një proces me bazë uji dhe miqësor ndaj mjedisit. Kjo veshje përmban grimca kristali, për të siguruar një sipërfaqe rezistente. Po ashtu, ka edhe një veshje me grimca diamanti për qëndrueshmëri shtesë.

Disa nga dobitë e këtyre enëve:

• Të lehta dhe elegante
• Të përshtatshme për të gjitha pllakat, përfshirë edhe ato me induksion
• Të sigurta për t’u përdorur në furrë, kanë doreza prej çeliku inox
• Sipërfaqe me veshje rezistente ndaj ngjitjes dhe gërvishtjes
• Shumë të qëndrueshme

Përgatisni më lehtë dhe me më shumë shije

Enët e këtij seti janë shumë të dobishme, të forta dhe elegante. Seti përmban shtatë enë kuzhine, të cilat do t’i japin shije tjetër (më të mirë, sigursht) ushqimeve tuaja!

1. Një tigan fërgimi (24 cm) për omleta, biftekë, mish për hamburgerë, qofte, patate, perime dhe shumë ushqime të tjera.
2. Një tavë furre për mish dhe perime të pjekura dhe gatime tjera tradicionale. Tava mund të përdoret bashkë me kapakun me dorezë aromatizuese.
3. Kapaku me dorezë aromatizuese, i cili mund të përdoret në ose jashtë furrës, dhe është dizajnuar për t’i shtuar më shumë shije gatimeve tuaja.
4. Një tigan (26cm) për fërgim të thellë, të cilin mund ta përdorni edhe për të përgatitur supa apo salca, si dhe për pjekje në furrë.
5. Një tepsi (26cm) të rrumbullakët e cila mund të përdoret për të pjekur ushqime të ndryshme.
6. Një tenxhere (20cm) për të përgatitur supa, makarona, oriz dhe gjellëra të ndryshme.
7. Një kapak 20cm që përshtatet me tenxheren dhe mund të përdoret për gatim të ngadaltë ose në avull.

Të gjitha së bashku, përbëjnë një thesar të çmuar për çdo kuzhinë dhe i mbulojnë gatimet e përditshme në çdo familje!